半裸匿蘭桂坊後巷 陳庭欣雌雄同體露全相
藝人陳庭欣（Toby）參演無綫新劇《踩過界》，飾演跨性別人士的她在劇中與拍檔張振朗「打友誼波」，又被「睇全相」，粉絲更會看到她「露兩點」！Toby自爆早前在蘭桂坊開工時只穿底褲及Tube top，非常尷尬！
陳庭欣、李佳芯、蔡思貝、王浩信及張振朗等，前晚現身將軍澳一間酒店睇《踩》劇首播，現場相當熱鬧。Toby扮演的跨性別人士是劇集焦點所在，內地網站本周已率先播放首14集，監製林志華昨日受訪時表示香港同樣會足本播放，而Toby「露點演出」的相關劇照已流出，港姐出身的她驚現「女頭男身」！問到可擔心引起負面評價？Toby笑說：「好彩內地粉絲反應唔錯，仲Cap番啲相畀我，話我嘅女神形象仲喺度。多謝監製幫我搵咗個唔錯嘅男替身，佢瘦得嚟又Fit，大家差唔多身形，Key圖都易啲！」
咀同性好舒服
提到拍攝趣事，Toby透露當日在蘭桂坊開工時，身上只穿有「阿婆底褲」及Tube top：「動作唔可以太大，驚難Key圖嘛！」她事後接受電話訪問時再補充說：「記得有場戲講我半裸，畀阿爸追到去後巷逼埋牆角，嗰度好污糟兼身後有一口釘，好彩冇受傷！」問到與劇中女友可有親熱戲？Toby笑說：「搭吓膊頭咁，其實咀同性仲舒服啲！只係要着西裝嘅時候，就嫌身形唔夠橫，要塞好多毛巾入去先得。」
李佳芯床戰兩男
至於李佳芯「投訴」拍劇時遭精神虐待：「因為成日要着貼身戲服，又要我獨自跳性感舞步，好彩效果都可以！」她在劇中先後與張振朗及王浩信有床戲，問到現實中是否同樣敢作敢為？她說：「媽咪比較緊張，我好多嘢都先斬後奏，識咗男友都要了解完先畀媽咪知，要畀時間佢做心理準備。」
文：影視組