簡淑兒無線可露 考慮晒腰
歌手簡淑兒昨日出席Cosplay活動，特別戴上襟花頭飾，她說與電玩及Cosplay很有緣，以往都有不少廣告或活動邀請她作角色打扮：「有次去日本拍攝旅遊特輯，我一身校服造型，有個日本男仔主動問我係咪日本人，又用英文同我傾偈拍合照，仲將合照放上Instagram同Tag番我，佢寫Welcome to Japan，其實當日我一啲都唔性感。」
問到簡淑兒作Cosplay造型時，可有客戶要求她露事業線？她說：「冇，我乜線都有，唯獨冇事業線，我都努力練緊馬甲線，要露腰同腳都可以。（腰圍幾吋？）有23.5吋，因為做運動，可能練咗啲肌肉出嚟，但唯一冇變嘅係上圍。」