陳法拉配音 廣東話退晒步
藝人陳法拉及黎耀祥昨日宣傳有份配音的動畫，吊帶低胸清爽Look示人的法拉說：「記得嗰日落機就即刻去配音，可能有段時間冇講廣東話，導演話我口音唔正，就同我出錄音室傾咗一輪偈，等我搵番廣東話嗰種口音同感覺。（有冇教法籍外交官男友講廣東話？）冇，佢覺得廣東話好難。（男友嚟香港陪你放暑假？）冇呀，佢要做嘢！」
黎耀祥則表示花了兩日時間為動畫配音：「我哋配嘅版本要交去美國，雖然佢哋未必識聽廣東話，但都要經佢哋批核。今次同法拉合作幾好玩，佢真係好似佢配嗰個人物，又高又瘦，話時話，原來佢拍拖喇咩？不過都啱嘅，我個仔都拍拖啦！」
