處理文件需時 謝賢未有耐入伙

參演無綫熱播劇《賭城群英會》的謝賢，日前收下兒子謝霆鋒送上價值8,500萬港元的豪宅，有指他提及此事時自嘲年紀大：「我好快畀番佢！放心！」記者昨日聯絡謝賢，心情大靚的他表示仍未入伙：「未有耐！因為要搞文件。（你話好快畀番佢咁幽默？）哈哈！」提到拍攝《賭》劇時遇撞車致肋骨骨折，他坦言留有後患：「坐得耐就要起身行，我啱啱都行完山，冇嘢做！（你忙湊孫？）哈哈！（孫仔喺父親節寫卡畀你？）冇！我冇節日觀念，日日開心就都係節日！」