靚仔有型的「三哥」苗僑偉迎接59歲生日，獲一班同劇演員黃宗澤、吳卓羲、張兆輝等送上生日驚喜，黃宗澤與卓羲更送上HeHe「Birthday kiss」！一班型男合作得相當愉快，逗得三哥笑言「開工都當係開Party」！

藝員苗僑偉（三哥）昨日（18日）59歲正日生日，但仍要開工的他前晚正在西貢為邵氏網劇《飛虎極戰》開工，獲劇組送上生日驚喜，同場的黃宗澤（Bosco）、吳卓羲（Ron）、張兆輝、梁烈唯與王敏奕等在踏入十二時即齊齊大唱生日歌，身為監製之一的樂易玲更送上寫有「帥到世界盡頭」的生日蛋糕，三嫂戚美珍則送上鮮花，Bosco與Ron更搞笑地向三哥送上「Birthday kiss」！

三哥被問到有何生日願望？他說：「希望所有事順順利利，身體健康！開開心心。（覺得驚喜？）多謝樂小姐同劇組嘅精心安排。」三哥在圈中人緣極好，講到將迎接一連串慶祝活動，他笑言：「未必呀，最近都要開工！今晚（前晚）都好多兄弟喺度，當係啦！大家都合作得好開心，開工當係開Party！」

而Bosco與唯唯亦為三哥送上生日祝福，Bosco說：「祝三哥永遠有型，型到世界盡頭！」唯唯則說：「祝三哥生日快樂！身體健康！繼續過佢喜歡的生活。三哥係圈中嘅模範父親，一直都視佢為目標，自己仍努力中。」Bosco更透露送上開瓶器給三哥方便他品嘗美酒，認真貼心。

另外，一眾好友如吳卓羲、馬德鐘夫婦、張兆輝夫婦、謝天華夫婦及樂易玲等昨晚拉隊為三哥慶祝生日。晚上七時許，三哥與太太、兒子及數名友人率先現身，拖着太太的三哥被問到生日願望？他笑說：「想乜都順順利利，想《飛虎》都拍得順利。（囡囡呢？）佢未返呀！（送乜父親節禮物畀你？）送花！」而吳卓羲手持一盒紅色大禮盒送給三哥，問到是甚麼？他說：「佢鍾意嘅嘢啩。」至於天華被問到送甚麼禮物？他笑說：「送啱佢使嘅嘢！」

文：影視組、名人組