梁烈唯戒煙酒 身教女兒
今年是藝人梁烈唯榮升人父後首個父親節，育有五個多月大的女兒梁亦彤（Karina），雖忙於拍攝網劇《飛虎極戰》，但他特別向公司請假與太太Tina及父母三代同堂慶祝，他受訪時說：「今個父親節對我嚟講好特別，意義特別深厚，除咗自己做咗爸爸外，亦自覺對爸爸唔夠好，所以想補償番。」
自女兒出世後，唯唯現已戒煙戒酒，他表示深明身教的重要：「好多人睇死我戒唔到，但我愈要做到！將來個女大咗，有啲朋輩叫佢做啲唔應該嘅嘢，如果我叫佢唔好做，佢可能會話：『你都戒唔到酒、戒唔到煙啦！』咁你咪做唔到好榜樣囉！我咁有決心係想話畀個女知，要行自己行嘅路，唔要受人影響。」
一家人感情昇華
唯唯坦言現時滿腦子都是女兒，亦因女兒的出現，令他與太太及父母的感情昇華：「錫老婆多啲！老婆要做嘢，但係照顧得個女好好，基本上個女嘅起居飲食由我哋兩公婆搞掂，所以關係好密切。我老婆呢生人冇乜享受過，可以話係擔驚受怕，所以想畀多啲幸福嘅生活佢。」他又指現時與父母溝通增加，傾談如何教小朋友。
文：影視組