杜汶澤秘製茶葉蛋細味親情
杜汶澤為東網巨星全新節目《星級煮意~鍾菜‧鍾廚》炮製「獨門秘方」色香味俱全的茶葉蛋。原來阿澤自細已去街市買餸，現在仍經常入廚煮兩味，難怪廚藝了得。
阿澤分享自幼入廚原因：「我喺單親家庭長大，媽媽出去搵食，我哥連牛肉、豬肉都唔識分，逼住我負責煮餸。」累積多年經驗，煮飯、煲湯對阿澤而言絕無難度：「其實整嘢食最緊要用心啫，我本身鍾意宴客，朋友嚟食到好嘢，讚我就好有滿足感。況且藝人出街食飯唔方便，我講嘢又大聲騷擾到人，喺屋企食最多騷擾我隻貓啫，大家又可以盡興咁食嘢、傾偈同飲番杯，真係好relax。」
掛念岳母手藝
今次用兩日時間製作的茶葉蛋，看似普通卻有段淵源，阿澤在台灣生活時，茶葉蛋陪伴他不少時光，亦有種家庭情意結：「我岳母（田蕊妮母親）在世時，過農曆新年一定整茶葉蛋、年糕同蘿蔔糕，大家食得好開心，佢走咗就特別掛住個味，所以我『的起心肝』學。」
愛向難度挑戰的阿澤為平凡的茶葉蛋加入新食材：「我喺配方、茶葉分量方面落工夫，唔想佢喺我手上淪為幾蚊都買到嘅食物，花心思出嚟嘅效果都算唔錯。」
邦師傅大讚認真
入廚22年的「鍾菜‧鍾廚」邦師傅大讚阿澤的茶葉蛋烹調得很好，他建議：「假如想煮得更好，可先將香料以慢火煮一個鐘，煮出香味後再放蛋會更入味。」他又大讚阿澤認真，煮食時有戴手套，減低發生意外的風險。
《星級煮意》每集均由藝人親自下廚煮一款菜式，包括陶大宇及陳嘉桓等，其他名人紅星陸續有來，節目逢星期一、四更新，大家可在東網app及東網網頁收看或重溫。
https://goo.gl/OoBIPo
文：影視組