無綫重頭劇《宮心計2深宮計》台前幕後上月底分批出發到內地浙江橫店，密鑼緊鼓於當地拍外景，可惜天公不作美遇上「梅雨季節」，連日來滂沱大雨嚴重影響拍攝進度，加上霧氣重兼高溫，非常辛苦。不過因趕戲關係，劇組盡量開工，女主角如劉心悠及周秀娜等演員日日依時換好戲服到片場「望天打卦」，卻因雨勢而被迫停工，惟有「私影」打發時間。

而心悠近日在社交網站上載「望雨照」，並留言：「Why？Please tell my why？（告訴我為何？）……我強烈的希望強烈的雨水可以強烈的離開。」而周秀娜則自製「痛哭照」寫道：「連着幾天滂沱大雨，風雨中爭取時間拍攝，（太陽）哥明天碰個面好嗎？」據知，大隊原本將出發到附近的仙居取景，但因霧氣太重不宜拍攝，劇組只能留守橫店「望天打卦」。而張文慈透露與劉心悠拍攝完後，由頭濕到落腳，笑言似着水鞋。

劇中飾演皇上的馬浚偉坦言已有心理準備隨時要「押後歸期」，他昨日接受長途電話訪問時說：「我睇咗天氣預告，嚟緊幾日仲好差！我就取消咗一日通告喇！依家開始喺室內拍我嘅宮殿景先。（最大雨嗰時係點？）水浸囉，宮廷走廊全部積晒水。（影響返香港時間？）都預咗嘞，相信會遲少少返囉，大家明嘅，盡量配合同希望遲啲追得番啲時間囉。」他搞笑指自己一有時間，便到附近菜市場買餸煮飯，為大家煲靚湯「下火」﹗對於拍檔胡定欣於社交網站上載飲「靚湯」，馬浚偉笑說：「唔係淨係益佢，馬國明、黃心穎及蕭正楠等都有份，最緊要係大家捧場，飲得開心。」

文：影視組