現年31歲的前港姐王君馨（Grace）去年入紙申請結婚，日前與圈外男友Daniel在美國低調行禮，由「處女黨」前成員鍾嘉欣及李亞男傍實陪嫁！Grace的婚禮中西合璧，先穿上中式裙褂與李亞男、前來觀禮的好友衛蘭及裕美留倩影，其後換上一襲純白Deep V透視婚紗，在爸爸陪同下步入教堂，與Daniel接受來賓祝福。Grace的好友鄭欣宜同樣身在美國，穿低胸裝的她上載多張出席婚禮的相片，並自封「Wedding Crashers」（婚禮搞事者），未知是否Grace婚禮的座上客。

Grace與Daniel在美國行禮後，下月11日會在香港「美國會」擺酒，屆時將大宴親朋，缺席美國婚禮的「處女黨」成員苟芸慧明言：「因為要做紅館騷趕唔切飛美國，但到時香港婚禮定必出席。」Grace好友王梓軒亦說：「我好想去佢美國個婚禮嘅，但我準備緊新節目冇辦法去。7月就講好咗，君馨要我唱咩歌、跳咩舞都得，甚至要我同佢老公跳辣身舞娛賓，我都好願意，係我欠佢嘅！」至於未能觀禮的鍾舒漫表示：「開頭諗住去，但公司夾唔到個檔期有嘢做，所以冇去。好姊妹嘅大日子梗係戥佢開心，最緊要佢哋一直都咁開心，希望快啲有小朋友啦！」她又叮囑好友婚後除了陪老公外，亦要抽時間陪她及其他朋友，最好就是再與她製作全新合唱歌。

另外，2010年參選港姐贏得最上鏡小姐的李雪瑩去年8月簽字結婚，昨日在網上公開數張與老公在法國南部海濱別墅舉行婚禮的照片，升呢陳太的她身穿低胸婚紗，獲老公錫面時流露幸福笑容。