歌手林欣彤（Mag）昨日到電台宣傳新歌《奇怪》，講述社會上充斥太多表達，但很少人去聆聽：「有時做件好普通嘅事，放上網會畀人評論，好似有啲內心深處未被接納。」又指有段時間身體不適少出活動，卻惹來惡意批評：「話我係咪去咗整容，係咪畀人包走咗，嗰刻都嬲，依家唔會好介意，面皮厚咗。」
提到她與同為「巨聲幫」的許廷鏗、陳慧敏及鄧小巧在同時期出新歌，Mag笑謂大家可以一同振興香港樂壇。問到可會怕有比較？她說：「不論係咪同一時間出歌都會有比較，但我哋係互相欣賞多過比較，好撐對方！」
