陳嘉桓炮製牛仔骨刺激味蕾

東網巨星全新節目《星級煮意~鍾菜‧鍾廚》登場，新一集請來陳嘉桓炮製「洋葱牛仔骨」，她認為菜式難度不高，熟能生巧，可說是其拿手菜：「主要係因為呢個餸好簡單，醃好咗就拎去煎，再煮埋個汁已經可以上碟，唔需要太多技巧。同埋平時都有整開，送飯一流，所以就選擇咗呢個餸！」

鎖住肉汁有秘訣

Rose平日工作忙碌，透露廚藝師承母親，並笑說：「我以前煮嘢好差，好多時都係幫吓媽咪，喺隔籬學吓、偷吓師。令我的起心肝學煮食嘅原因，係之前拍戲時食得太油膩，搞到唔舒服，所以就試吓自己買材料返嚟煮，慢慢就學識咗煮嘢食，同埋近年都好注重健康，希望盡量自己煮。」

「洋葱牛仔骨」看似簡單，要整得好味卻不是想像中簡單，Rose提供小秘訣：「其實煎好一邊，大概都見到啲牛肉轉色，先再將佢翻轉，咁樣可以鎖住啲肉汁，又唔會煎得太老。」負責品評的「鍾菜‧鍾廚」邦師傅亦提供貼士，如果想牛仔骨更惹味，可以先以蔬菜汁醃製，再加入喼汁及鮮醬油提升肉味。

點解陳嘉桓煮嘢食咁叻？因為佢向靚媽偷師！	放大圖片	Rose教路，煮牛仔骨要有耐性，等適當時機先翻轉面煎。

想知道陳嘉桓及其他數十位影視紅人的廚藝如何？記得鎖定一眾藝人親自上陣示範的《星級煮意》，節目逢周一及周四更新，讀者隨時隨地都可以在東網App和東網網頁收看及重溫。

https://goo.gl/5dhnGp

場地：鍾廚 銅鑼灣時代廣場1201舖