蔡卓妍首映遇颱風粉絲嗌票房創高峰
由蔡卓妍（阿Sa）及周柏豪主演的英皇新片《原諒他77次》昨晚冒八號風球舉行首映禮。阿Sa說：「呢方面我嘅經驗都唔錯，試過有次打十號風球舉行品牌活動，我擔心身邊工作人員安全，同Mani（霍汶希）講不如唔好去，點知佢話嘉玲姐（劉嘉玲）去喎，咁我梗係急急腳出門。」阿Sa坦言接獲粉絲於網上為自己打氣：「佢哋叫我寶寶嘅，有人喺社交網寫『寶寶首映遇颱風，票房大買創高峰』！」
對於身在外地的鄭希怡趕搭飛機返港出席首映禮，卻遇上航班延誤，阿Sa說：「唔清楚佢最終上唔上到機，盧巧音就喺我哋個Group Chat留咗言，話唔舒服出席唔到嘞！」她承諾若票房過千萬，自己會請食飯慰勞工作人員。