事過境遷，Janice和Jill現時不會再怪父親，反而想讓已退休的父親生活得更舒適，更想帶父親去旅行，Janice說：「如果再去旅行會帶爸爸去以色列，因為當地好多聖殿，係耶穌行過嘅地方，想帶爸爸去睇吓。」Jill就提議去非洲，帶爸爸睇獅子。似乎Janice較熟悉爸爸的喜好，二選一下，Joey爸揀去以色列！
問到會否再婚，Joey爸答：「no more！」Janice就笑言：「其實佢女朋友好錫佢，但佢冇諗住再婚，我自己都開心爸爸搵到一個好錫佢嘅人。」Joey爸則希望兩姊妹快些嫁人，笑謂：「希望你哋遇到好好嘅對象。」由於Joey爸是結他好手，兩姊妹最期待有一天能和爸爸同台演出，Janice更謂希望下年開演唱會時能實現！