Liam爆粗鬧阿哥惹前度幫口反駁
為英國曼徹斯特恐襲受害者籌款的《曼徹斯特慈善騷》圓滿結束，但餘波未了！驚喜現身表演的英國著名男歌手Liam Gallagher完騷後翌日，在社交網留言炮轟不和的兄長Noel Gallagher沒現身表演後，再寫文爆粗發炮。有指Liam原來多次致電Noel懇求他演出，但Noel沒有理會，更繼續與老婆Sarah及兒子在意大利度假慶生。
Liam爆粗留言鬧兄長可悲，有網友回應：「睇嚟Oasis都重聚唔成！」Liam即爆粗狂呻：「老友，X你啦重聚，呢個唔係關於Oasis，而係關乎救人，再次證明佢（Noel）嘅真XX本色。」據知Liam獲邀之後一直相信搞得掂阿哥參與演出。
曾為Liam誕下一女的前度Lisa亦留言反駁他，指可能Noel照顧他從來未見過的女兒同自己的兒子，但發文不久即刪走。另方面，今次慈善騷全球有1億人收睇，單是英國已有2,260萬人收睇，成為今年英國最高收視節目。