藝人馬浚偉最近於橫店為無綫新劇《宮心計2深宮計》拍外景，由於當地溫差大，令他氣管炎復發，但得到同劇靚女胡定欣、周秀娜等呵番，加上來自內地多個地方的粉絲專誠組隊探班，令他相當感動。

藝人馬浚偉、胡定欣、周秀娜和陳煒等齊集橫店為《深宮計》開工，由於當地時熱時凍，令馬浚偉氣管炎發作，急急就醫，他說：「呢度（溫度）相差好大，所以我老毛病（氣管炎）發作，去咗睇中醫煲中藥飲，又買咗哮喘噴劑，冇事喇！」受訪當日，馬浚偉更大叫好凍：「呢度今日好凍呀！熱嗰陣34、35度，但好似今日咁得10幾度，大家凍到要着褸o架！」

劇中馬浚偉與飾演王后的胡定欣有不少夫妻溫馨戲，日前更將定欣抱入懷，羨煞旁人，而演其妃子的周秀娜亦有不少談情對手戲，馬浚偉病都有靚女呵番，他說：「個個都好開心，抱定欣一幕好Sweet o架！又有同娜姐，我哋都好有默契，仲有個老友都好關心我。（邊個？）葉璇租咗佢個Apartment畀我住，佢好細心，我有乜需要，佢唔喺橫店都即刻覆我，幫我解決，好感謝佢。」

除了享齊人福，馬浚偉一班來自內地多個不同地方的粉絲專程到橫店探班，令他超感動：「一共有近三十個粉絲，有啲坐飛機、坐火車嚟，佢哋真係好有心，對我嚟講係好大鼓勵。其實每次我嚟橫店，佢哋都會約好晒嚟。今次最開心係佢哋冇買禮物畀我，而買咗好多嘢飲、消暑食物畀工作人員，我反而好開心。」

另外，無綫昨日公布上周收視，田蕊妮、蘇玉華主演的《蘭花刼》上周首播平均錄得18.1點（約117萬觀眾收看），第一集收視最高，平均19.3點（約125萬觀眾收看），最高20.4點（約132萬觀眾收看）。而《射鵰英雄傳》上周平均收視22.8點（約148萬觀眾收看），對於6月1日出現電視訊號中斷1分19秒，無綫稱收到4個查詢及投訴。

文：影視組