最近於傳記片《巴黎影舞者》（The Dancer）有搶眼演出的荷里活男星尊尼特普（Johnny Depp）的17歲女兒Lily-Rose Depp，在訪問中談到父親的養育方針，令她不會變成反叛少女！
Lily跟隨父親尊尼與法國女星母親Vanessa Paradis腳步加入演藝圈，憑着得天獨厚的標致外表，被睇好成為明日之星。雖然尊尼與Vanessa已於2012年分手，一家人仍然相當親密。
Lily談到與父母的關係，解釋自己為何不會變反叛少女：「我父母都唔係嚴格嘅人，佢哋一向都信任我可以獨立，為自己做決定。事實上都冇咩嘢可以畀我去反叛。」不過，對私生活守口如瓶的尊尼與Vanessa，有教導Lily要保護個人私隱，Lily表示使用Instagram時會更為小心：「我唔會再用佢分享私人嘢，我一向唔太鍾意公開自己太多嘢，當你開始畀人睇到你生活嘅一部分，佢哋就會想要愈嚟愈多！」
Lily參演的第三部電影《巴黎影舞者》最近上映，其中法國女歌手Soko飾演19世紀現代舞先驅Loie Fuller，Lily則飾演她的後輩Isadora Duncan。Soko曾與荷里活女星姬絲汀史釗活（Kristen Stewart）有一段情，Lily亦曾公開出櫃，她倆在片中有一段曖昧同志戀情，Lily談到角色時說：「我好榮幸可以扮演Isadora Duncan，佢係舞蹈嘅標誌性代表，係個好犀利嘅天才。我好榮幸可以跟咁好嘅團隊、好有天分又出色嘅演員一齊演出，同埋同影片導演Stéphanie Di Giusto合作。呢部係佢第一部電影，花咗五年時間籌備，佢投入全部熱情，對所有事都認真嚴謹。」拍攝過程中Lily得到很大啟發，想繼續在演藝界奮鬥。
歌影雙棲的Soko在《巴黎影舞者》中為舞蹈場面親身上陣，能化身Loie Fuller演出十分高興：「令我學到佢所有舞蹈，就好似學一種新嘅語言咁！」她又指與導演Stéphanie Di Giusto合作像是一份禮物：「佢花咗好多時間寫劇本同做資料搜集，就好似舞蹈歷史學家一樣，而我都一直有參與。喺呢段時間，佢畀我睇好多資料同照片，又畀我讀劇本同陸續修改嘅劇本。」拍此片前，Soko已看過相關作品，印象深刻，她說：「我知佢作為導演，一定唔會是是但但。」
文：外娛組