婷婷冇份住豪宅爆謝賢獨立

謝婷婷昨日出席Mira Place美麗華廣場「Meet Together 」揭幕禮，提到哥哥謝霆鋒送8,500萬豪宅給父親謝賢作為父親節禮物，婷婷直認地方大，大家可一齊住：「淨係知爹哋搬屋，一家人冇話送唔送，大家住入去都OK。（爹哋自己住定預埋你？）爹哋好獨立，有要求陪佢住，因為早排佢撞車，之後身體唔好，好大影響，大家都幾擔心。不過嗰時唔方便一齊住，依家地方大少少，有乜需要都可以一齊住。（問咗爹哋會同佢一齊住？）佢唔OK，佢好獨立，我都唔OK o架！不過身為女有責任照顧佢，冇理由叫霆鋒同佢孖鋪。大家獨立多幾年先，會多啲探佢，佢鍾意自己煮嘢食。」