鄧萃雯負資產諗計填氹
藝人鄧萃雯（雯女）憑內地劇集《繁星四月》人氣急升，早前她接受福音節目《恩雨之聲》訪問時，表示曾經歷不少挫折。雖然雯女在破碎家庭長大，但一入娛樂圈便當上主角，隨之以來的卻是不安感，雯女說：「頭五年就係日接夜、夜接日咁喺片廠度過，幾乎冇自己嘅生活，因為唔知幾時公司唔再捧你，或者觀眾唔再喜歡你。」
直至雯女遇上人生第二個高峰，但仍不懂滿足，被亞洲電視高薪挖角的她，更體會做明星賺錢十分容易，並胡亂花錢。但在金融風暴前夕置業，再次經歷了低潮及打擊：「我萬萬都想唔到，原來我生平最大一次嘅投資，所有嘢都可以喺金融風暴入面咩都冇晒。為咗要填負資產，我嗰時會去一啲好雜嘅地方做騷登台。我又好怕冇人搵我做嘢，所以我日日都會化個妝去見報，做紙上明星。」