謝芷倫奉旨扑人

藝人謝芷倫（Jan）早前與林盛斌（Bob）、李逸朗及趙永洪合作拍攝電影《江湖三傻》，Jan說：「我哋呢個組合係第一次合作，但好有火花，阿Bob佢哋三個都係搞笑能手，拍攝時好多搞笑位都係我哋一齊諗出嚟！今次我個角色係個蠱惑女，雖然漏口但好多對白要講，我都花咗好多工夫去拿捏點樣既漏口、但又令觀眾聽得清楚我啲對白，點知煞咗科後，我竟然習慣咗漏口，用咗段時間至改番正！我幾鍾意呢個角色，因為我好想擺脫演慣嗰啲斯文嘅角色形象，今次算係過足戲癮！最難忘一場綁架戲，我本身好細膽，劇情講我要用遮兜頭打落對手度，我好驚唔識用力扑親佢，但輕力又打得唔似，不過對方好專業，叫我放心打落去，場戲順利完成，我都鬆咗口氣！」