蕊蕊暫時「封盤」

藝人蕊蕊去年與前經理人漢洋約滿後回復自由身，現時雖然要一腳踢包辦工作，但她表示冇有怕：「暫時都OK，都有公關朋友幫吓我。雖然係同漢洋冇約，但我哋關係仲好好，如果有內地工作佢覺得啱我，佢都會幫我接洽。」暫冇簽公司的她，積極裝備自己，報讀不同課程增值，她說：「我都有學開演戲，但依家跟咗首位華籍女騎師江碧蕙學策騎，學費唔平，不過真係好值得，老師都讚我有天分。」講到感情生活，蕊蕊坦言暫時不考慮拍拖，想專心工作，即使日後拍拖可能都不會公開戀情。