性幻想OK迪子包養免問
獨立歌手迪子早前推出關於情慾的歌曲《一蓮托生》，MV中身穿內衣玩綑綁騷35E身材，坦言曾因尺度大膽而擔心大家未必接受：「驚畀人誤會我係賣弄身材，但我哋覺得冇得介意人哋點睇，如果驚嘅話做出嚟就會模稜兩可。」MV播出後，她坦言多了人認識，但希望大家不要只留意其性感。
講到性感有利工作，迪子坦言不介意接內衣Job，但不接受包養：「呢啲錢唔會賺！覺得有少少唔尊重，我唔係用身體做呢啲嘢。（擔心成為大家性幻想對象？）吓？真係會？如果人哋要咁樣幻想冇乜所謂，唔會影響到我，但如果用行動支持我嘅音樂，我會開心好多。」講到性感底線，如果拍戲要半裸或全裸的話可會接受？她笑說：「我最叻嘅唔係做脫星，但如果真係好藝術、劇情需要，可能會考慮吓，但應該都好難。」
髮型：Renton Hung @IL Colpo
服裝：Amelie Street