蘇永康 謝霆鋒認捐床位 助陳德森建安老院

導演陳德森聯同多位藝人、兩個慈善團體及10位善心籌委於今晚舉行大型慈善晚宴，為在港興建安老院籌款，中港台藝人齊響應，未到慈善夜已籌得500多萬元！雖然距離興建安老院的數目「仍需努力」，但陳德森已相當感動，前晚受訪時感激藝人不分國界支持善舉，希望之後有更多藝人參與！

眾星熱心捐錢

已捐獻的藝人原來不少都做善事而不留名，只希望出一分力，相當有心，陳德森說：「我哋安老院有80個床位，唔少藝人都幫手認捐，當中周迅、陳小春、蘇永康捐獻唔留名，周迅、陳小春用咗父母名字嚟捐錢，蘇永康就用咗囝囝個名。」向來孝順的霆鋒亦認捐了兩個床位，其中一個以「謝霆鋒闔家」留名，為家人做善事。其餘捐獻者包括鄧超夫婦、郭富城、楊千嬅、陳奕迅、古天樂及王大煒等，不能盡錄！

霆鋒亦有參與認捐。	惠英紅（圖）、金燕玲及志偉將在慈善夜獻花。	金燕玲、曾志偉

成龍嘉玲拍片撐

除了出錢外，藝人亦以行動支持善舉，如謝賢、林作及鮑起靜等，他們日前到訪老人院，片段將於晚宴上播出。而成龍、劉嘉玲、曾志偉及霆鋒則拍短片支持，許冠文本來計劃於當晚表演棟篤笑，可惜因工作被迫擱置，陳德森說：「佢為咗做呢次棟篤笑，事前去咗幾間安老院做資料搜集，可惜最終同一個大型外地廣告撞期，唔能夠嚟，好可惜！今年金像獎影帝林家棟原本都想嚟，但亦因為工作嚟唔到，不過影后惠英紅、最佳男女配曾志偉、金燕玲都會上台獻花，總之，晚宴我哋希望以溫情、感動為主。」

文：影視組