王宗堯嘲舊愛豬到嚇親朋友

藝人杜汶澤邀請了王宗堯為他主持的奇妙電視節目《杜汶澤食住上》擔任嘉賓，二人大談年輕夜蒲史，身邊不乏美女的王宗堯被阿澤問到曾否與「豬扒」拍拖，他笑說：「有，一次咁多，豬到嚇親啲朋友，不過個女仔性格好好，我係被佢呢方面吸引到。」阿澤即取笑他「識食」，前度女友包括陳靜、黎紀君等全都是女神級，王宗堯亦直言自己條命生得好：「係『神級命水』。」他講到與蔡潔被分手一事時深感無奈：「我都係喺報紙先得知被分手，對方消失咗一段時間，聯絡唔到。」阿澤更爆料：「當年蔡潔應承接拍我部電影，我哋試晒造型，誰不知開拍前四日，佢突然話唔拍，話驚影響佢內地市場。但最估唔到係轉個頭佢居然夠膽同你拍拖，真係匪夷所思！」