歌手JW（王灝兒）與吳業坤合唱新歌《原來只因深愛著》大獲好評，唱到街知巷聞，又獲各大電台熱播，MV推出兩周已錄得百萬點擊率，成為最快過百萬點擊的廣東合唱歌，JW坦言：「真係好癲，我同吳業坤都未試過咁快有百萬點擊，覺得等半年係值得！因為過去半年一直未有新歌，心諗死啦，依家有咁好反應就安心同安樂晒！」她承諾會請台前幕後食大餐慶祝：「呢個計劃要有好多人去做，知道咁好反應已經即興話約飲嘢，點知吳業坤要開工，所以搵日再食大餐。」
至於忙於工作的吳業坤感激歌迷支持，他說：「好開心，喺兩星期達成一百萬點擊，呢個計劃大家都用好多心機同誠意去做，好配合宣傳，希望《原》曲成為大家心中經典合唱歌！」