陳婉婷童年陰影 最怕行街「濕平」
無綫藝人陳婉婷（Hebe）早前於劇集《心理追兇Mind Hunter》上位，劇中的她打扮得花枝招展，原來私下性格「男仔頭」，由細到大都不愛打扮。她說：「細細個唔鍾意打扮，因為覺得好麻煩，但媽咪會買公主款嘅衫畀我着，等我睇落似番個女仔，都係入咗行先開始化妝同扮靚。」
女人愛行街濕平，Hebe卻耍手兼擰頭，更自爆有「童年陰影」：「細細個成日要陪媽咪同家姐行街，每次都行幾個鐘，但我唔鍾意扮靚，自然全程都好悶、無所事事，久而久之就驚咗行街，真係童年陰影嚟！依家大個出街買衫好快手，或者留喺屋企網購，唔想行街行咁耐。」
