曾傅君養刺蝟 拮到成手血

曾傅君花了三星期才能與「豬鼻」混熟。

Rex指養刺蝟是一門高深學問，因為牠們天生比較細膽及沒有安全感，適宜獨居：「初初同佢相處都幾難，佢只要聽到聲，或聞到你經過，就會好驚即時蜷起身體，啲刺會豎起晒，我都有啲驚。我每日都伸手入籠畀啲嘢佢食、同佢玩、幫佢清理籠、沖涼，每次接觸佢都拮到隻手好痛，成手都係血，所以要有一段緩衝期，差唔多三個星期佢先慢慢熟悉我嘅味道，開始接受我。養佢係好需要耐性，佢一旦知道你係佢熟悉嘅味道，佢會好親近你，瞓喺你手掌上，喺你手上行，你經過個籠佢會伸個鼻出嚟，好得意。」Rex教大家養刺蝟的要訣，刺蝟主要食貓糧，摸牠時不可以逆毛摸，否則很容易被刺傷。

• 曾傅君亦有飼養倉鼠。