朋友都認錯 薛世恒 袁偉豪不撞不相識
藝人撞樣時有發生，但撞到連本尊都分不清就比較少有，講的是藝人陳法拉前夫薛世恒和袁偉豪。前晚薛世恒出席活動時，提到被指與袁偉豪撞樣，他不禁笑說：「其實我哋係因為撞樣先識，因為有朋友話我哋好似樣，一定要介紹我哋識，有啲角度我自己都認錯！其實四、五年前已經撞樣，佢啲朋友有時都會認錯。（佢Keep得咁Fit有壓力？）大家唔好睇咁多佢啲戲啦，哈哈，講笑！」他又表示沒想過做幕前。
爆法拉有對象
提到前度陳法拉，薛世恒承認仍有聯絡，再見亦是朋友，更爆法拉有拍拖對象：「佢有同我講過佢有對象，我同佢係朋友，不過我唔可以代法拉講嘢，只可以話我哋有聯絡。（你之前都有緋聞？）全部霧水。（介唔介意再同圈中人一齊？）咁唔係睇一個人職業同背景嘅，最緊要相處舒服。（恨唔恨做爸爸？）冇得急，愈急愈冇。（父母有冇催？）如果催都催咗好多年啦，如果有係上天嘅禮物！」
蔚雨芯恨拍拖
前晚出席公關鄭紹康《天下第一Friend》節目首播夜及生日會的還有藝人蔚雨芯和名媛蔡一鳳，蔚雨芯透露有份投資的飲食生意，有意進軍新界元朗，兼顧幕前和生意的她透露有人追，更開綠燈表示恨拍拖。蔡一鳳則透露與老公盛品儒飛康城出席慈善晚宴，問到會否順道造人時，她笑言老公每次都話一定得，信心十足，希望生四個，亦不抗拒人工受孕。
文：名人組