大結局共侍一夫？ 高海寧 宣萱分享Gordon
由林文龍、宣萱、唐詩詠、王浩信及高海寧（高Ling）孭飛的無綫劇《不懂撒嬌的女人》，劇集已進入結局篇，本周日（28日）將播出一連兩集大結局，劇情講到「Gordon」林文龍與「Mall姐」宣萱離開傲星到上海發展交友網，文龍卻被上海拍檔出賣騙走資金，結果宣萱賣樓力撐男友再創業，文龍則向宣萱求婚，但工心計的「田蜜」高Ling，再次挑戰二人的感情，更揚言不介意共侍一夫！幸而文龍與宣萱感情堅定未受影響，宣萱還轉當文龍私人助理，繼續管住男友。
愛情聖潔
至於「Saving」王浩信再次帶「Cherry」唐詩詠到台南，自彈自唱《陪着你走》求婚，宣萱老竇劉丹就會與于淼發展爺孫戀，最後更懷有身孕。
對於劇中共侍一夫，高Ling受訪時說：「我哋係共用Gordon啫！入面仲會着婚紗添，不過我唔會講點解，大家追睇就知啦！（覺唔覺得田蜜角色好變態？）係好狠，但佢唔係大奸大惡，只係太目標為本，我本身性格同個角色係天壤之別，唔可以接受奇怪感情關係，愛情對我嚟講係聖潔。」有指其角色原定由朱晨麗演出，對方因角色負面而推卻，高Ling說並不知情，能夠遇到有發揮的角色是萬幸。
文：影視組