成軍16年搞喊粉絲 阿嬌忍淚表白為阿Sa變色
「Twins LOL世界巡迴演唱會」已經舉行第15場，Twins與去年同樣揀了「520」這日子，再次返到廣州開騷，順道慶祝Twins成軍16年。Twins多次被萬人大合唱感動，阿Sa更當眾向阿嬌示愛說：「阿嬌，我識咗你17年啦！大家一齊工作就16年，多謝你一路以嚟陪伴住我，我愛你。」阿嬌就忍着淚水對阿Sa說：「你改變咗我好多，由我唔鍾意彩色、鍾意黑白，變到人生愈來愈充滿色彩，愈來愈開心！由唔鍾意講嘢，變到愈來愈笑多咗，我真係好愛你，好愛！」現場粉絲也被兩人的真性情感動到眼濕濕。
恩愛咀嘴
阿Sa直言希望Twins能繼續有無數的16年，兩人更相視而笑說：「16年我哋唔做番啲嘢，相信你哋都唔肯畀我哋走。」隨即在歌迷尖叫聲下，兩人再次上演咀嘴一幕。演唱會後，Twins異口同聲表示從來沒想到這麼快一年後又到廣州開騷，真的十分開心。阿嬌坦言：「16年呢個數字好感動之外，其實都好得人驚，有啲無奈時間過得飛快，咁就16年。」阿Sa表示好多事就像昨日才發生似的，她覺得這16年真的不可思議。兩女又坦承很多歌迷要求他們再返紅館舞台，所以Twins正嘗試入紙紅館，希望明年五月能夠成功攞到檔期。
文：音樂組