Victoria出巡群星排隊集郵

溥儀眼鏡昨日為「溥儀衣櫥眼鏡展」揭開序幕，不少圈中藝人及名人均有出席，包括吳千語、連詩雅、王馨平、賭王四房千金何超盈、名模Jessica C.、Ana R.、恆生新抱何倍倩等。老闆邱子傑及太太邱李茂琪表示多次與碧咸嫂Victoria合作，邱生更大讚對方：「佢好有fashion sense，而且做嘢親力親為，就算係咁大嘅國際巨星，工作都好投入。」問到可有帶同子女前來與碧咸嫂集郵？邱太表示子女仍在外國，並透露子女相當葡萄：「尋日母親節佢哋有打返嚟，我話有個同碧咸嫂嘅event，佢哋好羨慕！」談及有指碧咸豪花700萬英鎊（約7,000萬港元）購買一個私人小島送給老婆作為結婚20周年禮物，他們表示有留意報道，邱太自爆今年與邱生同樣結婚20周年，邱生隨即表示已預備禮物，揚言屆時會有驚喜。

親民揮手道別

Victoria以一貫高姿態、由數名保鏢及工作人員護航現身，並在台上分享心得，還與邱子傑夫婦祝酒合照。及後便巡pop-up store，還企定定與嘉賓合照，不少嘉賓排隊集郵，包括吳千語、連詩雅、何倍倩等，她統統來者不拒！離開時見記者拍照，亦親民地揮手道別，現場更有粉絲大呼「Love you」。事後Victoria在Instagram上載與連詩雅的合照，並留言答謝對方出席。

吳千語亦有找Victoria集郵。	楊婉儀揀衫時獲Victoria親自畀意見。	蔡一鳳同Victoria一齊chok出cool樣。

巡舖畀意見

同場的王馨平被問到是否特意前來一睹Victoria風采？她坦言為見對方而來：「佢係模範女性，家庭好，同時又專注工作，工作又做得好好，有個知名品牌，想同佢結緣。（封佢為偶像？）唔係，想睇吓咁成功嘅女人係點樣。」

另外，Victoria昨早已到其同名品牌店舖出席VIP活動，出席嘉賓包括前港姐楊婉儀（Winnie)、老公王瑞勳及名媛蔡一鳳（Michelle）。場內看到Winnie拿起兩、三套時裝試身，Victoria更親自給予意見，最後逗留約45分鐘離開。

文：名人組