阿Sa啞忍冇交嗌柏豪愛中求變
演員蔡卓妍（阿Sa）與周柏豪為英皇電影《原諒他77次》，昨日到將軍澳電視城接受無綫節目《兄弟幫》訪問。最近均忙於演唱會的阿Sa與周柏豪，終正式合體為下月中上映的新片宣傳。阿Sa表示已看了新戲，感覺不錯，好友看完也對愛情有反思。
半夜嘈醒全組人
近期忙於巡迴演唱會的阿Sa喉嚨不適，被問到拍完電影後對愛情觀可有反思？她聲沙沙說：「我覺得自己喺戲入面好勞嘈囉，其實一段關係需要去包容，自己現實生活中極度唔鍾意嗌交，但當然唔能夠全部忍晒，都希望可以解決，喺戲裏面自己嘅解決方法就係嗌交，呢樣都係反面教材。」
周柏豪戲中與阿Sa一起成長拍拖十年，但後來因為想法出現分歧而未能成婚。相反現實中，周柏豪與太太拍拖十多年，最後開花結果，他說：「最緊要都係包容，愛就要愛晒佢所有嘢，戲裏面對白講你變咗，其實我反而覺得係需要不斷改變，去變好，變得更包容。」他透露與老婆甚少鬧交，大家會以包容態度傾偈去解決，他遇到問題亦喜歡盡快處理，他說：「我對家人、朋友、同事都冇隔夜仇，有問題要即刻處理，試過工作出現咗問題，真係頂唔順，半夜嘈醒晒相關人士去講，自己起碼抒發咗，講咗出嚟先。」
文：影視組