安志杰想追BB生日大「搞」
藝人安志杰（Andy）與名模樂基兒（Gaile）昨日出席啤酒活動，兩人異口同聲表示愛杯中物，Andy自誇酒量好，他說：「我飲啤酒好似飲汽水咁。 （有否試過酒後做錯事？）我飲完酒好happy，唔會好似人哋咁大吵大鬧。（有冇酒後亂性一夜情？）唔話畀你知。」他又透露囡囡已懂得叫媽媽，但還未會叫爸爸，由於他常在外面工作，故有時女兒對他會感陌生。
問到幾時生多個？他說：「我都想有第二個baby。（之前Jessica C.生日有冇同佢慶祝順便make baby?）有試過make baby。（輪到你生日點慶祝？）都係食飯、飲酒同make baby。（你個BB係啤酒BB？）應該好飲得。」
樂基兒有意做媽咪
而Gaile即場學斟酒技巧和品嘗啤酒，問到早前被指肚凸凸，她否認懷孕，但也想生BB：「如果我有Baby一定會同你哋講，未來都應該會，因為身邊好多朋友都生BB，見到佢哋好開心。（有冇同男朋友傾過？）有啊，佢都鍾意。（結婚先定生BB先？）冇乜所謂啦呢個年代，最緊要知道如果生咗嗰個責任，就算養貓狗都要啦！」
文：名人組