麥明詩鍾情食腦男嫌博塞利大隻
「十優港姐」麥明詩（Louisa）與「地表最帥數學教授」博塞利（Pietro Boselli）一同出席活動，俊男美女品學兼優，非常合襯。雖然Louisa交足戲主動要求對方捉手仔，但私下卻指大隻男不是她那杯茶，並以異地戀為由婉拒交往。
28歲意大利型仔博士博塞利、麥明詩、黎諾懿及廖碧兒出席「大家樂 Ⅹ Segafredo全新概念餐廳」開幕活動，Louisa坐着仿照意大利的貢多拉車子，由博塞利接載出場，並獲男方扶起。二人又以咖啡豆砌畫作，Louisa笑稱希望被博塞利親手捉着教導，之後兩人手貼手砌圖，相望而笑。親民的博塞利還教大家說意大利文，又以普通話講「你好」。
「佢嚟香港先詳談」
問Louisa對大隻博塞利印象如何？她笑說：「你哋知我鍾意嗰啲向來身材都唔係好fit，咁唔加分都唔會減分，身材唔需要咁發達，個腦發達就得。不過等佢嚟香港發展先得，異地戀好難維繫，佢真係嚟香港先詳談啦！」對於被指與藝人余德丞撻着，更一杯雪糕兩份食，她即否認：「我哋有用公筷，唔會你一啖我一啖咁唔衞生。（有冇可能發展？）佢個人都幾幽默，做主持轉數快，但睇唔到有可能，唔係我嘅類型，佢太大隻喇！」
黎諾懿：佢讀多我一世書
黎諾懿被問到日前拍短片向博塞利挑機，更將寶貝仔「小春雞」擺上枱，他笑說：「係大會將佢嘅相傳畀我睇，仲要係最大隻嗰啲相，睇埋佢學歷係博士，佢讀多我一世書呀，點會挑機？（你有小春雞嘛！ ）好似話佢同麥明詩有嘢，如果佢哋有機會，咁生個混血BB都會好靚，就會贏小春雞，我嗰隻始終係陀地雞，哈哈！」他又笑言雖然比博塞利高，但怕自己年紀大會縮水。
文：名人組