周柏豪被衛詩雅當仇人爆樽
由藝人蔡卓妍（阿Sa）、周柏豪及衛詩雅等主演的英皇電影《原諒他77次》講述時下男女的愛情故事，柏豪與阿Sa戲中拍拖逾十年，卻充滿摩擦最終難逃分手命運。戲中詩雅的戲份不少，周旋於阿Sa及柏豪之間，其中一場戲與柏豪鬧翻嬲爆，更在擂台上突然拿起玻璃樽，兜頭向對方「爆樽」，柏豪頓時血如泉湧，相信令不少女Fans睇到心痛！
一take收貨
詩雅直言拍攝時很擔心會「弄假成真」整傷柏豪︰「之前排練咗好多次，但因為怕自己力度太大，排練時唔敢嚟真，但出嚟效果唔夠理想，柏豪反而叫我唔使顧住佢，當正仇人咁直接打喺佢頭上！到真正roll機時，大家表現專業，導演一take收貨。」柏豪則表示今次跟詩雅再合作，大家有默契，不擔心真受傷︰「之前拍戲試過我要大力打對方，我都怕整傷對手而唔敢真打，反而係對方畀鼓勵我，所以我都咁同詩雅講，呢次唔係第一次合作，已建立好默契，我好信任佢。」
