方力申未想結婚叫女仔放膽埋身
藝人方力申昨日為ViuTV節目《約咗傅家俊》錄影，期間與桌球高手傅家俊作賽，雖然傅家俊已先讓60度，但最後小方仍以8分之差落敗，服輸的他也大方說：「能夠同世界排名第6嘅球手打一場已經好開心，等同有人可以同我一齊游水都開心，我依家仲係200米背泳同400米個人四式嘅香港紀錄保持者（口架）！」
羨慕傅家俊
身為游泳健將的小方，大談二人相識於1998年，還齊齊出戰亞運，轉眼間自己已退役十多年，惟對方仍然活躍體壇，他謂：「到依家我哋都有聯絡，我有留意佢近況，知佢結咗婚同有兩個女兒，都好戥佢高興。（羨慕？）羨慕佢，佢都可能羨慕我呢，頭先都有講吓由運動員轉成演員嘅嘢。（提到緋聞？）都有，但我冇咁多女友，係冤枉，依家仲未搵到，所以羨慕傅家俊係人生勝利組。其實我覺得依家啲女仔幾驚我，因為我上段感情太長，人哋以為我再拍拖就係要結婚，其實都唔係嘅。」
文：影視組