林雅詩「超」不可失
藝人林雅詩（Grace）每次出席活動必定又靚又性感，講到衣櫃必備的物品，她表示一定是連身裙：「衣櫃入面有好多條連身裙，因為出活動方便又容易配襯，一行街見到邊條靚我就會入手！」此外，Grace亦必備打底靚底衫，預防走光外，又可美觀示人。
至於閃閃高跟鞋，亦是Grace最愛之一，並一買三隻不同的顏色，她說：「因為對鞋真係好舒服，登台要我跳舞都冇問題，我仲一口氣買咗金、銀同玫瑰金色，呢三隻色真係好易襯衫！」Grace又自爆家中有超過十多對太陽眼鏡，除可方便襯衫，更可用來遮掩素顏的樣子，Grace說：「我多數會戴住太陽眼鏡去化妝，因為我貪靚，唔打扮得最靚都唔想見人，所以手袋入面會有，車入面又會有，總有一副喺身邊！」
