龍威武盡唱金曲以和為貴
資深歌手李龍基、威利及張武孝（大AL）將於7月15及16日假旺角麥花臣場館舉行《馬天尼娛樂主辦：龍威武·三個好歌男人演唱會2017》，威利坦言從小開始玩音樂，因此要開騷懷舊一下：「近排香港太多聲音，好嘈吵，要和諧啲。」李龍基笑言香港樂壇只剩下3人有又靚又和諧的聲音，更大讚威利就算唱至92歲也一樣好中氣：「講嘢把聲都咁勁，到時一唱，麻煩你個咪拎遠啲，唔好唱爆。」威利表示凡事都要做到最好，還大爆金句：「費事畀人話『大人做大事，細人做細事，死老鬼就返屋企睇電視』，我哋要做番啲嘢回報觀眾。」
唱新歌恐變廁所位
大AL認為要賣花讚花香，因為他們會真真正正付出心機，並感謝認識多年的老闆孫敬安在財力及人事方面大力支持：「我哋由唱英文歌開始，轉唱廣東歌，近期直頭乜歌都唱，乜嘢都撈。」李龍基指這次無論音響、海報設計及樂隊方面都落足本，樂隊全是精英。問到會否唱新歌？威利強調他們唱的都是金曲，而李龍基就說：「好得意，如果我哋演繹新歌，入場嘅觀眾唔會接受，佢哋去屙尿o架！所以我哋都係唱佢哋有共鳴嘅歌，入場啲觀眾相信都唔會太年輕。」
文：音樂組
場地：馬天尼娛樂