《閨蜜睡房》：裕美沉澱一年 唔湊仔揀熟男
回復單身的裕美成為東網巨星節目《閨蜜睡房》的嘉賓，在一連三集訪談中，她向閨蜜主持李惠儀（Kiwi）自揭曾被男同學騷擾，又試過被成碗麵照頭淋，並跟大家分享感情生活。曾經在愛情路上受挫的裕美，決定作出一大突破，更公開自己的床上秘密！
穿上公仔圖案睡衣的裕美，是繼徐子珊、林芊妤後亮相東網巨星全新節目「海馬牌床褥特約」《閨蜜睡房》的嘉賓，有日本血統的裕美在節目中笑言讀書時，曾被男同學笑她似日本AV明星，她笑說：「呢啲係咪追？我覺得係騷擾。」她又試過被女同學妒忌，在吃飯時，被對方成碗麵照頭淋：「佢話你睥我呀，跟住就掉低筷子成碗麵淋落嚟，你知讀書時會有人覺得自己係大家姐feel。」
要矜持拒主動出擊
談到愛情觀，裕美坦言不會主動追男仔，覺得女仔要有矜持：「男仔天性係鍾意征服人，鍾意我嘅話會勇敢。」剛離婚的她表示經一事長一智：「依家知道拍拖同結婚係兩回事，必要慎重諗清楚。」雖然婚姻失敗，但她笑說：「都有朋友問我驚唔驚？我驚咗兩日到，好快又重拾婚姻嘅盼望，但我諗住畀一年時間自己唔拍拖住，對我嚟講係一個幾大突破。」談到擇偶條件，她坦言鍾情教到她的男生：「我唔鍾意湊仔，希望大我一截，最大12年都OK，我爸爸大我媽咪14年，當然年齡唔可以代表一個人成唔成熟，要了解對方，都希望兩個人有共同目標。」
愛上瞓睡袋唔想戒
裕美在節目中亦介紹她的「私物」，就是當年拍攝旅遊節目《雪映移城》中曝光過的狗公仔：「佢陪我十幾年，因為唔捨得整污糟佢，所以我用膠袋笠住珍藏。」談到床上秘密，原來裕美到18歲依然跟母親同床瞓覺，她說：「我係一定要有人陪瞓，試過有次出埠工作，冇人陪瞓，我就瞓唔到。」過去一年她更愛上瞓睡袋，將自己捲成臘腸卷，她覺得好舒服，更笑說：「我唔想戒甩。」想知更多裕美的閨房秘密？記得上東網巨星，睇《閨蜜睡房》喇！
文：音樂組