賽車手陸漢洋（William）早前到馬來西亞賽車，其女友苟芸慧連日捧場打氣，但William在社交網只晒新成立的本土車隊「一颷賽車WIN Motorsport」靚相。不過，他與意大利車手Davide Rizzo前日及昨日分別在兩場60分鐘的賽事中勝出，首次出戰2017亞洲勒芒衝刺盃（Asian Le Mans Sprint Cup）即獲得首站連續兩場冠軍，似乎女友極旺他，他亦罕有地上載合照，正式「公開」戀情！相中戴黑超的苟芸慧，與捧獎的William笑得同樣開心。
苟芸慧昨日承認捧男友場：「我去咗馬來西亞睇賽車，除咗支持William，亦乘機偷師，希望吸收更多經驗，將來真係可以踏上賽車場！恭喜William攞到雙冠軍，我知道佢一直好努力。」至於William表示贏得第一個冠軍時，隊友已很興奮，對於連續兩場都站上頒獎台最高位置，更是高興！他表示由組車隊到贏冠軍，夢想逐步實現，但笑言「長勝將軍」並不易做。