歐鎧淳運動開心拒入娛圈
「香港女飛魚」歐鎧淳昨日與陳細潔（Abbie）出席保良局幼兒游泳邀請賽，提到歐鎧淳在電影《春嬌救志明》客串演出，問她會否再投身大銀幕？她表示是導演彭浩翔主動聯絡：「嗰時訓練冇咁緊張，依家要多番練習，時間冇咁多。（有興趣入娛樂圈？）唔係依家諗嘅事，的確半隻腳踏入呢個圈，先發現運動世界係幾咁美好、開心同圓滿。（娛樂圈唔好？）唔係，身在福中不知福。體院（香港體育學院）啲人目標好一致，諗嘢簡單，氛圍得嗰度先有。」怕當藝人拍拖冇私隱？歐鎧淳認為不單拍拖，一舉一動都被傳媒留意：「暫時冇諗過入呢個圈，但有機會都會參與。」
