任達華囡囡晒泳裝
藝人任達華昨日到屯門出席活動，提到即將來臨的母親節，他說：「嗰日要開工，但會專誠飛返香港，同媽媽、太太同埋個女，三代同堂一齊食飯，食完飯再開工。我媽媽雖然唔識字，但當年湊大我哋幾個，好偉大，要錫佢多啲！」
提到邱淑貞女兒沈月，為慈善活動影宣傳照，問到華哥會否讓女兒任晴佳（Ella）效法？他說：「OK！Ella細細個我已經灌輸佢要關心社會，幫助有需要嘅人。（會畀個女入娛樂圈？）依家佢嘅興趣唔喺呢度，喺讀書方面，仲有鍾意攝影、畫吓嘢咁！」另外，甄子丹女兒Jasmine（甄濟如）昨晚上載一張與Ella和友人的合照，相中Ella身穿粉紅色泳衣，只見她們開心地笑容滿臉。