加拿大歌手Drake日前被前四仔女星Sophie Brussaux稱於今年1月20或21日搞大個肚，現已懷孕三個半月，佗B女。而巧合地，美國網站TMZ亦公開了Drake與Sophie於今年1月24日現身阿姆斯特丹日本餐廳的合照，時間、地點相當脗合。Sophie更找來律師幫手爭取贍養費，並公開兩人的短訊內容，疑似Drake要求女方墮胎。
Drake透過發言人否認，力數Sophie跟不少人發生關係，背景可疑，直指她不是首個聲稱懷有Drake骨肉的人，如果BB真的屬於Drake，他絕對會做出正確決定。不過Sophie與Drake發生性關係期間，她亦與另一位人氣饒舌歌手上床，對方更幾乎已認係B女老竇。