林作為人師表剪走亂髮
林作放棄做大律師，轉為進軍教育界，化身「補習天王」教IELTS。向來形象搞笑的他亦一改玩嘢本色，從頭到腳改頭換面，為入教育界鋪路。據悉雖然他常說不做大律師是為搵老婆本，但其實家底豐厚的他又何需如此！出外國升學指南、拍教育廣告，又出書教溝女，實情都是以做才子為目標，絕非單純向錢看。
睇中2萬5蚊西裝
日前他到中環西裝名店Armoury試西裝，似乎想從服飾入手轉形象。正所謂人靠衣裝，佛靠金裝，林作看中約2萬5千元的意大利製造深藍色西裝，又試戴迷你版《鬼怪》帽，緊貼潮流！席間見他氹到女店員十分開心，果然talk得，難怪他公開免費試堂，場場爆滿，已有逾400人報讀。
以一頭爆亂頭髮為標記的林作，置裝後乘坐港鐵，再去由Kim Robinson主理的Kr+剪髮，只見他與髮型師交流意見後，剪去不少頭髮，洗脫翻版王祖藍形象，當堂乾淨利落。
文：名人組