麥潔文丁父憂：累了請安息

歌手麥潔文（Kitman）與爸爸感情深厚，經常陪伴左右，還不時在其社交平台上載與爸爸的合照。Kitman昨日在社交網發文：「爸爸，爸爸，你累了，請安息！往後的日子都是美麗的。愛你。」據知麥爸爸昨晨去世，享年93歲，Kitman說：「都係啲老人病，佢已經成日出入醫院，我開畫展嗰日，佢都氣喘入過急症室，又食唔到嘢、飲唔到水，身體機能漸漸變得好差，都有心理準備。」她表示前日探完父親時，對方情況還可以，豈料晚上接到電話通知，指父親心跳緩慢，叫他們即趕去醫院，她忍不住痛哭：「佢走嗰時冇親人喺度，好遺憾。」