林敏驄爆黑幕阿B恰死阿倫！

填詞人林敏驄曾為多位天王巨星寫過不少金曲，昨日播出的電台訪問中被問到可有遇過歌手爭歌？他自爆常被鍾鎮濤（阿Ｂ）投訴：「佢成日話我寫畀阿倫（譚詠麟）啲歌好啲，佢嗰啲冇咁Hit，我就話：『我係鋤強扶弱，你喺溫拿恰到佢死死吓！』。」提到近年減產，阿驄說：「我做第二樣嘢啫！（寫番多啲？）邊度得閒，以前已經擺低好多歌，可以流傳後世，好滿意啦！」將於6月在紅館舉行兩場作品展的他表示，屆時會親自度Rundown：「其他人做唔到，喺晒我個腦度，雖然辛苦但係有好大樂趣，同埋有啲人唔嚟得，我要諗有啲咩歌要交畀咩新人唱，會有唔差得過原唱者嘅效果。」