冼國林：佢冇資格同我打！

陳嘉桓：咁對決唔公平

師承冼國林的陳嘉桓（Rose），認為該場對決並不尋常，她說：「唔同類型嘅功夫，只會同番同系嘅人對決，MMA唔受限制，乜都可以打，但都會計磅數，就算中國武術，唔同派系都有唔同專長，太極係以柔帶剛，所以咁樣打好唔公平。（李連杰拍片撐太極？）佢係勁嘅，中國人就係最團結！」

冼國林

「武林高手」冼國林接受電話訪問時，坦言看過有關片段，認為一場決戰並不代表全部，力撐太極有其優勝之處，相反於其眼中的徐曉冬沒有拳法可言，更不屑對方說：「佢極其量只係三流拳手，我後生一定好打過佢，佢冇資格同我對打，極其量只係可以同我啲徒孫過招！」冼師傅更力勸李連杰不要為對方勞氣。

冼國林	陳鈺芸	伍允龍

陳鈺芸：應點到即止

一向有學泰拳和跆拳道的武打女星陳鈺芸（JuJu）昨日表示，不清楚該場比賽的規則，但她認為格鬥就是要擊敗對手：「因為格鬥本質係咁，即使MMA都一樣，反而魏雷就以切磋心態比賽，導致落敗。」問到有沒有信心與徐曉冬比賽？JuJu表示需要跟比賽規則，不同磅數比試會顯得比賽不公平，贏了亦不光彩。她又說習武之人不會用拳腳解決問題，只會點到即止。

伍允龍以和為貴

打星伍允龍表示：「每個人表現唔可以代表唔同派別嘅功夫，武術界比試係好，可以提高每個派別嘅功夫，希望大家用研究嘅心態去處理件事啦！」