吳嘉儀愛扭計整蠱父母

藝人吳嘉儀（阿七）在無綫節目《最緊要好玩》表現生鬼搞笑，原來她自小已愛作弄人，令父母十分頭痛。她笑言：「因為我由出世到6歲呢段時間，都係跟婆婆住喺油麻地果欄旁o既唐樓，父母就二人世界住，一星期至會探我一次。直至婆婆急病過身，冇人做果欄，我哋屋企就搬咗去天水圍。我第一次同屋企人住已經係6歲，妹妹又啱啱出世，所以我成日都唔合作，因為同父母好陌生，所以會扭計同收埋佢哋啲嘢整蠱人。」
吳嘉儀自嘲小時候男仔頭，到中學才慢慢女性化。
吳嘉儀自嘲小時候男仔頭，到中學才慢慢女性化。

性格「男仔頭」的阿七自爆小時候最怕兩件事：「就係着裙同鏡頭！細個叫我着裙，我會專登唔合作，阿媽話我成日一見到camera就好憤怒。」阿七坦言想不到自小討厭鏡頭的自己，長大後竟然對舞台產生興趣，入讀演藝學院成為藝人：「到咗中學我先慢慢女仔少少，幫同學仔做咗學校fashion show model，慢慢發現原來表演係會令人咁興奮同開心。」

童年時的吳嘉儀精靈可愛。
  • 童年時的吳嘉儀精靈可愛。
吳嘉儀細個非常百厭，愛捉弄家人。
  • 吳嘉儀細個非常百厭，愛捉弄家人。