艾威讚愛犬有靈性專嗒靚酒
藝人艾威月前「升呢」做狗主人，養了5個月大的伯恩山犬Sashimi。他笑言愛犬有「金舌頭」，識「嗒」靚酒。他說：「Sashimi好聰明，有次叼走我隻拖鞋要我追佢，結果見我走出花園兜圈截佢，佢之後就識得有樣學樣兜圈截番我。試過有次我畀啲中國白酒佢聞，佢唔鍾意猛咁吠我。到有次我畀啲靚嘅洋酒、威士忌，滴幾滴落地，佢即刻舔！」
艾威又指醒目Sashimi非常抵錫：「我擺佢喺屋，用欄杆圍住，但佢每次都可以喺我就嚟醒嗰陣，就已經預先企或坐定定喺度等我醒，總之我醒咗望佢，佢就係眼定定望住我。佢對人、狗同小朋友都非常熱情，初初都擔心佢係人都熟，點看門口呀？但後來有次同佢去街見到有個男人，我懷疑Sashimi感覺到佢有啲唔妥，起勢咁『胡』佢，我覺得Sashimi有靈性，識得分好人、壞人。」
