藝人邵仲衡、尹揚明、蔣祖曼及楊偲泳日前在尖沙咀一間酒店拍攝ViuTV劇集《詭探》，楊偲泳自爆因聲浪過大被住客投訴，爆門一幕都要細細力，邵仲衡則笑言在五星級酒店拍懸疑劇是開先河：「喺五星級酒店度燒溪錢、拜神，梗係嚇親人啦！」至於蔣祖曼早前疑似拍下靈異照，令她屢發噩夢，尹揚明自言相信鬼神：「之前九龍塘個場景係古怪，不過我冇害人就唔會驚！」
