黃子華探「蘇蝦」見面禮出手重

歌手蘇永康（William）昨日在社交網大晒好友黃子華探囝囝Jazz的溫馨片段，片中看到身為契爺的子華情深望住B仔，就像自己親生一樣。愛心爆棚的子華說：「見到啲BB要好忍住啜埋去。」還送了一枚金幣給BB傍身。蘇永康留言表示子華出手重，連自己都從未見過該枚金幣，希望BB長大後有好人緣。子華是蘇康首個要求做囝囝Jazz契爺的朋友，兩人於2004年在內地合作電視劇結緣，自此成為老友，蘇康說：「人夾人緣。」他從未將與子華的友誼擺上枱，雖跟對方熟稔，但工作上未搵過子華合作，他說：「子華係個交得過、關心你嘅朋友，幸運地自己喺圈冇乜嘢多，人緣好係最大財產。」蘇康指子華讀哲學跟他好啱傾，兩人每年總會食飯一、兩次，他笑說：「佢係個神秘人，唔鍾意曝光，約佢食飯要去啲冇人見到嘅地方，佢仲要戴晒口罩。」